ជាកាតព្វកិច្ចកំណត់ក្នុងច្បាប់ដើម្បីពង្រឹងការគ្រប់គ្រង និងលើកកំពស់សមត្ថភាព បច្ចេកទេសជួសជុលជលយាន ឱ្យស្របទៅតាមបទដ្ឋានបចេ្ចកទេសត្រឹមត្រូវតាមស្តង់ដារ
មួយជាកំណត់ និងរួមចំណែកថែរក្សាការពារហេដ្ឋារចនាសម្ព័ន្ធ ផ្លូវទឹក បង្កើតការងារ និងផ្តល់ជំនាញបច្ចេកទេសយន្តសាស្រ្តឱ្យកាន់តែប្រសើរព្រមទាំងជួយថែរក្សាសណ្តាប់ធ្នាប់
សុវត្ថិភាពចរាចរណ៍ផ្លូវទឹក និងបរិស្ថាន។

ការផ្តល់បណ្ណសម្គាល់ជលយានប្រភេទទេសចរណ៍មានបន្ទប់ស្នាក់នៅ/ដឹកកុងតេន័រ (សម្រាប់ជលយានក្នុងស្រុក)
•    តម្លៃសេវា ៖ ១ ០០០ ០០០ រៀល
•    រយៈពេល ៖ ១០ថ្ងៃ (ថ្ងៃធ្វើការ)

សំណុំលិខិតសុំបណ្ណសំគាល់ជលយានសម្រាប់ជលយានក្នុងស្រុក ឯកសារភ្ជាប់តម្រូវមាន ៖
- ពាក្យស្នើសុំសាងសង់ជលយាន...............................................មួយច្បាប់
- ពាក្យស្នើសុំបណ្ណសំគាល់........................................................មួយច្បាប់
- អត្តសញ្ញាណបណ្ណ ឬសៀវភៅស្នាក់នៅ....................................មួយច្បាប់
- លិខិតបញ្ជាក់ (កម្មសិទ្ធិជលយាន រោងជាង ប្រវត្តិជាង)..............មួយច្បាប់
- កំណត់ហេតុត្រួតពិនិត្យលក្ខណៈបច្ចេកទេស.............................មួយច្បាប់
- ប្លង់ជលយាន........................................................................មួយច្បាប់

ទាញយកទម្រង់បែបបទស្នើសុំ

២. ដំណើរការនៃការផ្តល់សេវា (របស់នាយកដ្ឋាន)
•    ដំណាក់ទី១ ៖ អតិថិជនដែលមកទទួលសេវាសាធារណៈត្រូវបំពេញទម្រង់ស្នើសុំ និងរៀបចំឯកសារដែលតម្រូវ មានដូចចែងខាងលើ
•    ដំណាក់ទី២ ៖ មន្រ្តីទទួលពាក្យស្នើសុំ រៀបចំឯកសារ និងត្រួតពិនិត្យឯកសារ (តម្រូវឱ្យមានឯកសារគ្រប់គ្រាន់) ចុះបញ្ជីជលយាន ឬផ្ទេរកម្មសិទ្ធិជលយាន
•    ដំណាក់ទី៣ ៖ អនុប្រធានការិយាល័យ ៖ ត្រួតពិនិត្យត្រឹមត្រូវលើឯកសារស្នើសុំ
•    ដំណាក់ទី៤ ៖ ប្រធានការិយាល័យ ៖ ទទួលបន្ទុកការងាររួម និងត្រួតពិនិត្យលើឯកសារគ្រប់គ្រាន់ ត្រឹមត្រូវ និងចុះហត្ថលេខា
•    ដំណាក់ទី៥ ៖ អនុប្រធាននាយកដ្ឋាន ៖ ពិនិត្យឯកសារ និងចុះហត្ថលេខា
•    ដំណាក់ទី៦ ៖ ប្រធានយកដ្ឋាន ៖ ពិនិត្យឯកភាព និងចុះហត្ថលេខា
•    ដំណាក់ទី៧ ៖ អគ្គនាយក ៖ ចុះហត្ថលេខាចុងក្រោយ។

បង្ហាញនីតិវិធី

ចុះបញ្ជីជលយាន ការត្រួតពិនិត្យលក្ខណៈបច្ចេកទេសជលយាន ផ្តល់បណ្ណបើកបរ/បណ្ណយន្តការី និងផ្តល់លិខិតអនុញ្ញាតឱ្យនាវាធ្វើអាជីវកម្មដឹកជញ្ជូនតាមផ្លូវទឹក គឺជាមូលដ្ឋាន
ចម្បងមួយក្នុងការថែរក្សា និងលើកកំពស់សុវត្ថិភាពនៃការប្រើប្រាស់ជលយាន ស្របទៅតាមបទដ្ឋានបច្ចេកទេសត្រឹមត្រូវជួយដល់ការថែរក្សាសណ្តាប់ធ្នាប់សុវត្ថិភាពចរាចរណ៍
និងបរិស្ថាន។ ការចុះបញ្ជី និងការចុះត្រួតពិនិត្យលក្ខណៈបច្ចេកទេស ជាការចាំបាច់ព្រោះបានជួយបង្កើនគុណភាពបច្ចេកទេសក្នុងកម្រិតស្ដង់ដារមួយក្រោមការណែនាំបច្ចេកទេស
របស់ក្រសួង ព្រមទាំងបានជួយបង្កើនសុវត្ថិភាពបច្ចេកទេសជលយានជូនអតិថិជនក្នុងពេលប្រើប្រាស់។ ការអាក់ខានពុំបានទៅចុះបញ្ជីជលយាន នឹងត្រូវទទួលរងការផាកពិន័យ
ទៅតាមបទប្បញ្ញាតិជាធរមាន។